وعادي ممكن جدا تاكل طبق فروت سالاد
وتتفرج على فيلم قديم على روتانا كلاسيك من الاربعينات ولا حاجة
وتتمايل على صوت نور الهدى اللي لاول مرة تركز فيه وتشوف اد ايه جميل
وتستمتع بصوت العود و القانون وتيجي نسمة هوا باردة تلامس وشك
وعادي اما تترسم ابتسامة على وشك وتاخد نفس عميق و تخرجه بمنتهى الهدوء
وتلاقي نفسك بتخرج من الزمان و المكان و تروح لدنيا تانية
دنيا هادية بعيدة عن صخب العالم اللي انت فيه
وتدي ضهرك لكل حاجة و تركز بس مع صوت القانون و طعم الفروت سالاد
و تحس بحاجة حلوة ..اه عادي جدا ممكن تحس بحاجة حلوة
وأنا لازم أحس بحاجة حلوة عشان قريت كلامك ده,تعرفي أنا كمان بكون مبسوطة لما بتفرج علي فيلم قديم بحس بسعادة ويسلام لو مع فشار بقي مقولقيش علي الفرحة!!
ردحذفربنا يفرحك قلبك يارب:)
نيللي علي
مدونة عطر الأحباب