ادون بشكل يومي لمدة 365 يوم ... اووو ماي جود .. ده كان اول انطباع ليا
قلت انا اصلا بعاني من حالة من هروب الحروف و ضياع الافكار في الايام دي يبقى ازاي هدون كل يوم لمدة 365 يوم
يعني 365 فكرة ..ياله من رقم!!!
وبعدين فكرت و قلت ليه لا بالعكس ده هيكون تحدي ليا مع نفسي اللي مغلباني اليومين دول
و تحدي ليا مع الحروف اللي بتفكر تهرب مني و تحدي ليا مع افكاري المبعثرة حولي هنا و هناك
من 1 يوليو 2013 الى 1 يوليو 2014 عام كامل بكل ما فيه
هشوف نفسي على مدار 365 يوم ...يالها من فكرة رائعة !!!
هراقبني و اشوفني و اكتبني لمدة 365 يوم
هستغل الفرصة و اقرب مني و اخرجني من سكوتي و الملم افكاري المبعثرة
حولياتي العزيزة المبعثرة ..ويلكم اون بورد :)
